صدى بغداد
 
الرئيسيةس .و .جبحـثمكتبة الصورالأعضاءالمجموعاتالتسجيلدخول

شاطر | 
 

 مجموعه من الابوذيات نقيتهم على ذوقي

اذهب الى الأسفل 
كاتب الموضوعرسالة
غاليةالثمن ومايهمني الزمن
$صدى نشيط$
$صدى نشيط$
avatar

انثى
المشاركات : 89
العمر : 28
المكان : الفضاء
العمل/الترفيه : طالبة
المزاج : مزاجيه
مزاجي :
المهنة :
الهواية :
علم الدولة :
الوسام :
تاريخ التسجيل : 07/09/2008
نقاط : 3

مُساهمةموضوع: مجموعه من الابوذيات نقيتهم على ذوقي   الأحد مارس 01, 2009 11:40 am

وحق من مرضك ياسمر وشافاك
اتخبل كلمن لمح حسنك وشافاك
لون اشتم عطر خدك وشافاك
مناعه من الامراض اتصير بيه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


جنة من الدفو ياناس حضنة
عشكتة وماكعد وياه حضنة
ما ردت الطمع بس ردت حضنة
ومن احضنة محد يفكة من اديه

تعالوا و شوفو حالي شلون يندار
دم مو دمع من العين ينــــــــدار
دعيت اعليك حبي بيك ينــــدار
انرفضت دعوتي و ركبت علية

صحيح بعيد بس كلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفركاك ماضل شعر بيه

تعال ومر عليه وردشوفك@
انه عطشان ميت وردشوفك@
تره انه منشوفك ورد شوفك@
وعطرها يفوح كل ساعه عليه

مثــل نـور الكمر نـورك .. واحلة
صرت ماي انة لجلك وانـت .. واحلة
تبـقـة انـت لغز عمـري .. واحلة
من اشيب انة احلة بهاي ادية

اضـل للمـوت اصيحـاً .. بسمك انة
حـروفي بوسـط اسمـك .. بسمك انة
اعـربـك بسـم انـة و .. بسم كانة
اذا اعرب غلط تصبح قضية

انـة الموت وكتـة ويـاي .. حل حل
وعلي دنيـاي كلهة تصيح .. حل حل
بتــابوت وجفن غطـوني .. حل حل
مايرضة يتلفلف بي علية

الله من الگمر خالق وجه لك
أشلون أنساك يمعود وجهلك
أفكر بيك بكماطك وجهلك
وأحبك وأنت تلعب ليه ليه

صرت يمك عجب مذموم حالي...
تسألني على حالي ؟اشلون....حالي...
تعب كلش حبيبي اعليك ... حالي
اطيبن لو تحط ايدك علية

لغيرك مارجـــــــــــف كلبي ولا دك
وثكيل وياك ميــــــــــــزاني ولا دك
جهازك لا علي رمـــــــــش ولا دك
قساوة البيك لو نقصان بيه

تظل نجمه ياضي العين بسماي
ويضل اسمك صديق العمر بسماي
ما يروي العطش بجفاك بس ماي
العطش ترويه من تسأل عليه

جميله وبالحسن الله وسمها
وحرز بالبيت صورتها وسمها
اسم كلمن يمر بيها واسمها
واسم روحي اذا شحت عليه

شلون تخون وانت احلفت بايات ...
مزلاكة طلعت مو درج بايات...
تريد تروح مو بس باي بايات...
واليرجع الف نعلة اعلة ابيه..

منو مثلي بضحى العالي يره نيوم
عليك ولا جرس منك يرن يوم
حبك خصب ابكلبي يورانيوم
ومفاعل صدت عيونك عليه

حبك سرة بكل اعظاي دورة...
عزيز والك بالشريان دورة...
اذا شكيت هاك الكلب دورة...
اذا غيرك لكيت اعتب علية

سهام هوای طگنی ولاحن
ولامرة انکسر گلبچ ولاحن
آغنی لجلچ وارگص ولاحن
لان حب وحنان یصیر بِية


خدودك يا ترف من وردة حمرة
و شفايف كالعسل من غير حمرة
بس وياي تنطي العين حمرة
و ارق من النسيم وية البقية

بعدنة كلمن يحب و يلينة
و قساوة بكلبك و جور وية لينة
مثل عدنان صرت انه و ية لينة
يحبهة و مستوي و ما تدري هيه

لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه

ازيدك بلجمع وتصير ناقص
افيض عليك نهري ونت ناقص
مثلك بلبشر ماشفت ناقص
بذات ونذل وطباعك رديه

الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه

حرت اش اشتري كية لو بيكم
ومدري الصوج بية لو بيكم
والله لو تلعب لعب زيدان وبيكهم
ما اخليك تراوغني وتشمت الناس بية

عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه

تأمل كون ملحوظة و حفظه
بيابي العين أظمنه و حفظه
يهل ماشي بمان الله وحفظه
يحرسك و بسلامة تعود ليه

تنام الناس مسروره واني حي
وايبطل دمع عيني واني حي
اتمنا الموت ياخذني واني حي
اموت احسن ولا تبعد عليه

انا شاب وهمومك عجزني
وظل ابجي يصاحب عالجزني
شرط مو كل شروطك عجزني
شرط امسح بياض الشيب بيه

لبس شاله وعباته وسله بيده
واخذ كلبي بجماله وسله بيده
سيف الدهر بكرابه وسله بيده
حرام ايصير وي دهري عليه

الجبال اسـتحت غارت من نهـدهه
وگـمرنه صــار مظـلم مـن اهـدهه
چثيره اهـمـومي والله من اهـدهه
تغـطي الكــون وتصـيبـه ابـليـّّه

عــبيـده إحـنـه ونـطـيعــه لـو يـمرنــه
وجمر خده الحرگنه لو يمرنه ( جمرنه )
عــبيـر الــورد صــدفــه لـو يــمـرنــه
يـصـيــر انـذار كـلهــه ادگ تـحـيـــه

يسيل العسل صدك مرطبنه@
اذا فديوم شخصك مرطبنه@
مره تصير عله ومرطبنه@
ومره تصير انته الصيدليه






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
برنس بغداد
$صاحب السيادة$
$صاحب السيادة$
avatar

ذكر
المشاركات : 2632
العمر : 26
المكان : الانبار/الرمادي
العمل/الترفيه : طالب
المزاج : مزاجي
مزاجي :
المهنة :
الهواية :
علم الدولة :
الوسام :
my sms :
تاريخ التسجيل : 17/03/2008
نقاط : 1711

مُساهمةموضوع: رد: مجموعه من الابوذيات نقيتهم على ذوقي   الأحد مارس 01, 2009 11:54 am

رووعه
عاشت الانامل
دمتي بود

_________________
[b],,,الـــتوقيـــــــــــــع،،،[/b]
____________________________________


وينك يلي جنت أناديك بسكوت؟
ودمع العين يجري بسكـــوت؟
ولك آني ألي نطيتك نستله وبسكوت؟
يطلع عندك جبس ليز وتضمه عــلــيــــه؟
[ندعوك للتسجيل في المنتدى أو التعريف بنفسك لمعاينة هذه الصورة]
منو مثلي تعب لأجلك وداره؟
وعاش بعيد عن أهله وداره؟
أريد أعرف منو لعب بعقلك وداره؟
حبيبي شما يصير أنته أليـــه.. [ندعوك للتسجيل في المنتدى أو التعريف بنفسك لمعاينة هذه الصورة] .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sdab.yoo7.com
 
مجموعه من الابوذيات نقيتهم على ذوقي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات صدى بغداد :: الواحه الادبيه :: قسم الخاطرة والكلام العذب-
انتقل الى: